വേദത്തിൻ്റെ ഹൃദയം എന്ന് പറയാവുന്ന വളരെ വിശിഷ്ടമായ സവിതൃ ഗായത്രി മന്ത്രം ഉപയോഗിച്ച് വൈദീക വിധിപ്രകാരം 108 യജ്ഞകുണ്ഠങ്ങളിലായി ആചാര്യ നിർദ്ദേശ പൂർവ്വകം എല്ലാവരും ചേർന്ന് ചെയ്യുന്ന യജ്ഞമാണ് ഗായത്രി യജ്ഞം. അതിനായി മുൻ പരിചയം ഇല്ലെങ്കിൽ പോലും ശ്രദ്ധഭക്തിപൂർവ്വം എല്ലാവർക്കും ഗായത്രിഹവനം ചെയ്യാൻ കഴിയുന്ന രീതിയിലാണ് ഇത് സംഘടിപ്പിക്കുന്നത്. ഗായത്രി യജ്ഞത്തിൽ പങ്കെടുക്കുന്നവർക്ക് തുടർന്ന് ജീവിതത്തിൽ ഗായത്രി ജപം ചെയ്യാൻ കഴിയുന്ന രീതിയിലുള്ള സാമ്പ്രദായിക ബോധം ലഭിക്കുന്നു. ഈശ്വരവാണിയായ വേദത്തിലെ ഏറ്റവും പ്രാധാന്യമേറിയ മന്ത്രങ്ങളിൽ ഒന്നാണ് ഗായത്രി എന്ന് പ്രസിദ്ധമായ സാവിത്രി മന്ത്രം ഈ മന്ത്രത്തിൻ്റെ നിത്യജപ സാധന മനുഷ്യൻ്റെ ബുദ്ധിവൃത്തികളെ പ്രചോദിപ്പിക്കുന്നു. അത് ജീവിതത്തിലെ സകല ക്ലേശങ്ങളെയും പരിഹരിച്ച് ഐശ്വര്യവും ദുഃഖ നിവൃത്തിയും പ്രദാനം ചെയ്യുന്നു. ഈ യജ്ഞിൽ റെജിസ്ട്രേഷൻ മുഖേനയാണ് പങ്കെടുക്കാൻ സാധിക്കുക.